Adab Mah Teu Meuli

 Aya Carita Ngeunaan adab Mang,

urang mah sok heran euy.. 

Nu ngaran adab mah pan murah heueuh, teu kudu mayar, teu siga meuli cilok geus dihuapkeun nya kudu mayar. Ternyata aya jelema nu lahir mah tina rahim, tapi kalakuannana siga hasil meunang print-an rusak! 😭

tadi teh kuring keur menerkeun motor di sisi jalan, gaya mah siga montir profesiona resmi MotoGP — padahal mah obengna oge meunang nyieun ti sendok bengkok mawa ti dapur. Ujug-ujug aya jelema ngaliwat, replek kuring teh ngajak senyum ramah da maksud teh kuring mah boga adab kasaha wae oge urang teh kudu someah, eh teu aya ‘punten’, teu aya semu, teu aya sinyal... ngaliwat kitu wae, siga hayam leumpang ngadedod da awakna gembrot bari biwir samutut, beungeutna datar siga tembok WC umum nu acan dicat! koplok teh asa disapirakeun pisan ku umat teh, padahal rarasaan mah euweuh masalah jeung jelema eta teh

Padahal mah kuring ge ngajak imut teh modal ikhlas, lain modal ngarep-ngarep dibere duit ku manehna. Tapi manehna mah katempona teh sombong adigung pisan, sigana teh asa pang Luna Mayana we. Padahal payus ka patut Teu geulis, teu beunghar, teu alus akhlak... tapi gayana teh siga nu kakara turun ti helikopter! 🚁✨

Kalakuan sombong mun panggih jeung sasaha teh jadi aneh sabab, mun dina emprona katempo di jalan bari nyenyekel hp sok teteleponan... mani sura seuri sorangan teuing, siga nu keur ngobrol jeung presiden Amerika wae, asa jadi jalma pangpentingna! Padahal mah ceuk si Ujang oge, manehna teteleponan teh jeung kontak darurat pulsa, sigana teh teu nyambung-nyambung acan! nya saha nu daek baceprot jeung jelema nu euweuh adab siga kitu mah

Tah, Mang... urang sok mikir, meureun eta jelema teh keur latihan jadi NPC dina game GTA. Kabéh kabiasaan teu make rasa, mun hayang nanya menyapa jelema teh kudu di-klik dua kali heula. Ngan sialna, sigana si eta mah tombol 'adab'na teh error! 🤖💀

Jadi lamun hiji waktu amang nempo manehna, tong kudu disapa heula, Mang... rugi anjir, bisi heneg, skip we lah jelema modelan kitu mah.

Da kampung baraya aya teu jelema modelan kitu?