Amanat Pangeran Mekah - Kanjeng Pangeran Aria Soeriaatmadja

Sumedang, kaping 11 Januari 1851 dinten Kemis, parantos dilahirkeunana Kanjeng Paneran anu gaduh nami alit Raden Sadeli. Saparantosna manjing dewasa, anjeunna dipiwanoh ku nami Kanjeng Pangeran Aria Soeriaatmadja.

Ramana nyaeta Kanjeng Pangeran Sugih atanapi Kanjeng Pangeran Aria Soeria Kusumah Dinata. Teras Ibuna nu namina Raden Ayu Ratna Diningrat.

Pasipatan anu kayungyun, pikaresepeun katambih rajin, calakan, pinter tur seueur rencana inisiatif, mun ku jaman ayeuna mah disebatna visioner panginten. Ku hal eta anjeunna diangkat janten Kaliwon di Sumedang dina yuswa 18 taun, leresan kaping 1 Agustus 1869.

Kaparigelan turta kasolehan anjeunna, ngajantenkeun Kanjeng Pangeran Aria Soeriaatmadja dina kaping 30 Desember 1882 diangkat jeneng  Bupati Sumedang.

Salami anjeunna janten Bupati Sumedang, seueur pisan kamajengan dina sababaraha widang kahirupan. Kanjeng Pangeran Aria Soeriaatmadja merhatoskeun pisan kana widang-widang anu penting kangge kamajengan Sumedang, turta kasejahteraan masyarakatna. Diantawis nu janten poko perhatosanna nyatana dina Widanng Agama, Widang Pendidikan, Widang Pertanian, Widang Peternakan, Widang Ekonomi sareng Politik, sareng lainna. 

Kanjeng Pangeran Aria Soeriaatmadja ngajabat janten Bupati diantawis taun 1882 dugika 1919.

Ku rasa hormat, cinta tur ajrihna masyarakat Sumedang ka pribadi nu kayungyun Kanjeng Pangeran Aria Soeriaatmadja ieu, ahirna dibangun monumen di tengah-tengah Alun-alun Kabupaten Sumedang, nu disebat Monumen Lingga. kangge pangemut-ngemut kana jasa-jasa anjeunna.

Saterasna monumen Lingga ieu janten ikon Kabupaten Sumedang.

Sumedang Tandang Nyandang Kahayang. (ageindie)